• સલાડ કે સૂપ ઉપર ચીઝની પટ્ટીથી સજાવટ કરવા પોટેટો પિલરથી ચીઝની પટ્ટીઓ બનાવો.
• કારેલાંનું શાક કડવું ન લાગે તે માટે કારેલાને સમારીને આખી રાત દહીંમાં પલાળી રાખો.
• કેળાંની ચિપ્સ બનાવતી વખતે કેળાં કાળા ન પડી જાય તે માટે કેળાની છાલ ઉતારી કેળાંને પાંચ મિનિટ છાશ અથવા હળદરવાળા પાણીમાં મૂકી રાખવા.
• ભીંડાને બારીક સમારી ચિપ્સની જેમ તળી એરટાઇટ ડબ્બામાં ભરીને ફ્રજિમાં મૂકી રાખો. તાત્કાલિક શાક બનાવવું હોય તો ઉપયોગી થશે.
• સ્ટીલની સિંકને સાફ કરવા મકાઇના લોટનો ઉપયોગ કરો.
• ચોમાસામાં ઘરમાં ભેજ હોવાથી ચીકાશ લાગે તો પાણીમાં થોડું મીઠું ભેળવીને પોતું કરો.
• ખટાશવાળા ખાદ્યપદાર્થો માટે ક્યારેય નોનસ્ટિક પેનનો ઉપયોગ ન કરવો. તેનાથી પેનનું કોટિંગ ઉખડી જશે.
• માખી થઈ હોય તો મીઠાવાળા પાણીનું પોતું કરવાથી માખીનો ઉપદ્રવ ઓછો થશે.
• વપરાયેલી ચાનો ભૂકો કરવાથી મચ્છરો ઓછા થશે.
