ભારત, શ્રીલંકા અને બાંગ્લાદેશની સંયુક્ત યજમાનીમાં 19 ફેબ્રુઆરીથી શરૂ થઈ રહેલા વર્લ્ડકપ પહેલા નવી દિલ્હી ખાતે યોજાયેલી એક પ્રમોશનલ ઈવેન્ટમાં ટીમ ઈન્ડિયાના સુકાની મહેન્દ્ર સિંહ ધોની ઉપરાંત યુસુફ પઠાણ, પિયુષ ચાવલા, ગૌતમ ગંભીર, યુવરાજ સિંહ અને હરભજન સિંહે હાજરી આપી હતી.
ઉલ્લેખનીય છે કે વેસ્ટ ઈન્ડિઝમાં 2007માં રમાયેલા વર્લ્ડકપમાં ભારત બાંગ્લાદેશ જેવી નબળી ટીમ સામે હારી ગયું હતું જેના કારણે તેને ટૂર્નામેન્ટના પ્રથમ રાઉન્ડમાંથી જ બહાર થઈ જવું પડ્યું હતું. જો કે આ વખતે લોકોને ધોની સેના પાસેથી સારા પ્રદર્શનની આશા છે. ઉપરાંત ધોની બ્રિગેડ પણ 2007નું પુનરાવર્તન ના થાય તે માટે સજ્જ છે.
Prev
