દક્ષિણ આફ્રિકા બન્યું ક્રિકેટનું DON, ટેસ્ટ,વનડે અને ટી20માં નંબર-1

ઓપનર હાશિમ અમલાની ધમાકેદાર સદીની મદદથી દક્ષિણ આફ્રિકાએ બીજી વનડેમાં ઈંગ્લેન્ડને 80 રને કચડી નાંખ્યું છે. આ સાથે દક્ષિણ આફ્રિકાએ પાંચ વનડે મેચની શ્રેણીમાં 1-0ની સરસાઈ હાંસલ કરી લીધી છે.

એટલું જ નહીં દક્ષિણ આફ્રિકાએ ઈંગ્લેન્ડ પાસેથી વનડેની નંબર વન ટીમનો તાજ પણ છીનવી લીધો છે. હવે દક્ષિણ આફ્રિકા ટેસ્ટ, વનડે અને ટી20 એમ ક્રિકેટના ત્રણેય ફોર્મેટમાં નંબર વન ટીમ બની ગઈ છે.

ટોસ જીતીને પ્રથમ બેટિંગ કરતા દક્ષિણ આફ્રિકાએ હાશિમ અમલાના 150 રન અને સાથી ઓપનર ગ્રીમ સ્મિથના 52 રનની મદદથી 50 ઓવરમાં 5 વિકેટે 287 રનનો સ્કોર નોંધાવ્યો હતો. જેના જવાબમાં ઈંગ્લેન્ડની ટીમ 40.4 ઓવરમાં 207 રનના સ્કોરે ઓલ-આઉટ થઈ ગઈ હતી.

ઈંગ્લેન્ડ તરફથી ઓપનર ઈયાન બેલ અને સમિત પટેલે સૌથી વધુ 45-45 રન બનાવ્યા હતા. દક્ષિણ આફ્રિકા તરફથી મોર્ને મોર્કેલ, વેન પાર્નેલ અને રોબિન પેટરસને 2-2 વિકેટ લીધી હતી. જ્યારે સોત્સોબે, જેપી ડ્યુમિની અને ડીન એલ્ગરે 1-1 વિકેટ લીધી હતી.

દક્ષિણ આફ્રિકા કેવી રીતે બન્યું ટેસ્ટ, વનડે અને ટી20 ક્રિકેટમાં નંબર વન? અને મેચનો સંપૂર્ણ હાલ વાંચવા માટે જુઓ તસવીરો....

SUPER INDIA: બે જીત, બે વિવાદ અને ચાર આત્મઘાતી કેચ
જ્યારે સુકાનીઓના બેટથી લખાય છે વર્લ્ડકપ જીતની ગાથા!
વેચવાનું છે, ઘણા દિગ્ગજોના જડબા તોડનાર લિજેન્ડનું ઘર
ઉન્મુક્ત કરશે સેહવાગને આઉટ, અપરાજીત રૈના માટે ખતરો?
પહેલા તોડ્યો 24 વર્ષ જૂનો રેકોર્ડ, પછી બનાવ્યો ધોનીને મહાન