પ્રવાસી ન્યૂઝીલેન્ડ સામેની ત્રીજી ક્રિકેટ ટેસ્ટમાં શાનદાર વિજય સાથે ભારતે શ્રેણી તો જીતી લીધી પરંતુ આ શ્રેણીમાંથી ભારતને એક નવો ઓલરાઉન્ડર મળ્યો છે. હરભજનસિંઘે આ શ્રેણીમાં ૩૦૦થી વધારે રન નોંધાવવા ઉપરાંત દસથી વધારે વિકેટ ઝડપી હતી.
સામાન્ય રીતે હરભજન પાસેથી ઢગલાબંધ વિકેટોની અપેક્ષા રખાતી હોય છે, કેમ કે તે ભારતનો સ્ટ્રાઇક બોલર છે પણ આ વખતે તેણે શ્રેણીમાં બે સદી અને એક અડધી સદી સાથે ૧૦૫.૦૦ની સરેરાશથી ૩૧૫ રન નોંધાવ્યા અને એ ઉપરાંત દસ વિકેટ પણ ઝડપી. આ સિદ્ધિ નોંધાવનારો તે ભારતનો આઠમો ક્રિકેટર બન્યો છે પરંતુ હરભજનની વિશેષતા એ રહી કે તે માત્ર ત્રણ ટેસ્ટની શ્રેણી રમી રહ્યો હતો જ્યારે અત્યાર સુધીના અન્ય તમામ ઓલરાઉન્ડર આ માટે ત્રણથી વધારે ટેસ્ટ રમ્યા હતા.
અગાઉ કપિલદેવ અને વિનુ માંકડે બે-બે વખત તથા ચંદુ બોરડે, રવિ શાસ્ત્રી અને રૂસી સુરતીએ એક-એક વખત આ સિદ્ધિ નોંધાવી છે. તમામ ભારતીય ઓલરાઉન્ડરનું પ્રદર્શન આ મુજબ છે.
ખેલાડી, મેચ, રન, વિકેટ, વિ., વર્ષ
(૧) વિનુ માંકડ, ૪, ૫૨૬, ૧૨, ન્યૂઝીલેન્ડ, ૧૯૫૫-૫૬.
(૨) કપિલદેવ, ૬, ૩૨૯, ૧૭, વેસ્ટ ઇન્ડીઝ, ૧૯૭૮-૭૯.
(૩) કપિલદેવ, ૬, ૩૧૮, ૨૨, ઇંગ્લેન્ડ, ૧૯૮૧-૮૨.
(૪) ચંદુ બોરડે, ૫, ૩૧૪, ૧૬, ઇંગ્લેન્ડ, ૧૯૬૧-૬૨.
(૫) રૂસી સુરતી, ૪, ૩૬૭, ૧૫, ઓસ્ટ્રેલિયા, ૧૯૬૭-૬૮.
(૬) રવિ શાસ્ત્રી, ૬,૩૩૬, ૧૨, વેસ્ટ ઇન્ડીઝ, ૧૯૮૩-૮૪.
(૭) વિનુ માંકડ, ૫, ૩૦૬, ૧૨, ઓસ્ટ્રેલિયા, ૧૯૪૭-૪૮.
(૮) હરભજનસિંઘ, ૩, ૩૧૫, ૧૦, ન્યૂઝીલેન્ડ, ૨૦૧૦-૧૧.
