કેપ્ટન વિજય હજારે ટ્રોફી માટેની રણજી વન-ડે ક્રિકેટ ટૂનૉમેન્ટમાં ગુરુવારે અહીં રમાયેલી મેચમાં ગુજરાત ટીમનો મહારાષ્ટ્ર સામે ૨૫ રનથી વિજય થયો હતો. ગુજરાતના ૫૦ ઓવરમાં નવ વિકેટે ૨૪૪ રન સામે મહારાષ્ટ્ર ૪૬.૩ ઓવરમાં ૨૧૯ રનમાં ઓલઆઉટ થઈ ગયું હતું.
ગુજરાતે ટોસ જીતીને પ્રથમ બેટિંગ કરતાં પાર્થિવ પટેલે અનુભવના સથવારે ૮૨ બોલમાં ૧૧૧ મિનિટમા પાંચ ચોગ્ગાના સથવારે ૫૯ રન ફટકારી ટીમને સંગીન પ્રારંભ કરાવ્યો હતો. અવિ બારોટે છ ચોગ્ગા અને એક છગ્ગા સાથે ૬૦ રન ફટકારી પ્રથમ વિકેટમાં ૧૨૬ રનની ભાગીદારી નોંધાવી ટીમને શ્રેષ્ઠ સ્ટાર્ટ આપ્યો હતો.
જોકે મધ્યક્રમના બેટધરો વિશેષ પ્રભાવ પાડી શક્યા ન હતા. પરંતુ સની પટેલની ૪૬ નીરજ પટેલની ૨૭ રનની ઇનિંગના કારણે ગુજરાતે નોંધપાત્ર સ્કોર નોંધાવ્યો હતો. મહારાષ્ટ્ર તરફથી અક્ષયે ૪૯માં ત્રણ વિકેટો લીધી હતી. ૨૪૫ના લક્ષ્યાંક સામે મહારાષ્ટ્રએ કંગાળ પ્રારંભ કર્યો હતો. ૬૦ રનમાં ત્રણ વિકેટો ગુમાવી દીધા બાદ નિખિલે ચાર ચોગ્ગા અને એક છગ્ગા સાથે ૫૮ રન ફટકાર્યા હતા.
