અમેરિકામાં યુવી પર રોષે ભરાયો હતો કુંબલે, લીધો હતો ઉધડો

- કેન્સરની સારવાર દરમિયાન અનિલ કુંબલેએ યુવરાજને ખખડાવ્યો હતો

ભારતીય સ્ટાર ઓલ-રાઉન્ડર યુવરાજ સિંહ કેન્સરની સારવાર માટે અમેરિકા હતો ત્યારે પણ તે સહેજ પણ હિંમત ગુમાવ્યા વગર પોતાના પ્રશંસકોને ટ્વિટર પર હકારાત્મક સંદેશા જ મોકલતો રહેતો હતો.

યુવરાજ સારવાર કરાવી રહ્યો હતો તો બીજી બાજુ ભારતીય ક્રિકેટ ટીમ ઓસ્ટ્રેલિયામાં ટેસ્ટ અને વનડે શ્રેણી રમી રહી હતી. જ્યારે યુવરાજ હોસ્પિટલમાં ભરતી હતો. તેથી તેની ટીમનો કોઈ સાથી ખેલાડી તેની ખબર જોવા માટે હોસ્પિટલ નહોતો જઈ શક્યો. પરંતુ ભૂતપૂર્વ ભારતીય સુકાની અનિલ કુંબલે યુવરાજને જોવા અમેરિકા પહોંચી ગયો હતો.