ફાઇનલી, બહુ ગાજેલો સોકર વર્લ્ડ કપ ૨૦૧૦ રંગેચંગે પૂરો થયો અને આ વર્ષે ઓક્ટોબરમાં દિલ્હીમાં યોજાનારી એશિયન ગેમ્સ તથા આવતા વર્ષે રમાનારા ક્રિકેટ વર્લ્ડ કપનું કાઉન્ટ ડાઉન શરૂ થયું. પરંતુ ૨૦૧૦નો આ વર્લ્ડ કપ આપણને ઘણું શીખવી ગયો.
ફ્યુ થિંગ્સ:
- ફૂટબોલના દડાનું પણ એક નામ હોય છે, એની પાછળ જાતભાતની ટેક્નોલોજી અને સાયન્સ લગાડીને દડો તૈયાર કરવામાં આવે છે. અને ખુદ ફૂટબોલના ખેલાડીઓ પણ દડાને ધિક્કારી શકે છે.
- દક્ષિણ આફ્રિકાના રમતપ્રેમીઓ મેદાનમાં જે રણશિંગુ ફૂંકે છે એને ‘વૂવૂઝેલા’ કહે છે!
- આર્જેન્ટિનાનો કોચ ડિયેગો મારાડોના બંને હાથમાં એક એક ઘડિયાળ પહેરે છે, વો ભી બ્લેક રંગ કી!
- ભારતીયો પણ ફૂટબોલની મેચ જોઇ શકે છે!
- હારી જઇએ અને પારાવાર દુ:ખ થાય, તો કરોડો દર્શકોની પરવા કર્યા વિના જાહેરમાં રડી પણ શકાય.
- માત્ર પોપટ જ નહીં, ઓક્ટોપસ પણ ભવિષ્યવાણી કરી શકે છે.
- દરેક વર્લ્ડ કપનું એક ઓફિશિયલ સોંગ ‘એન્થમ’ હોય છે.
- અને, સોકર એટલે કે ફૂટબોલ ક્રિકેટ કરતાં ક્યાંય વધુ લોકપ્રિય રમત છે!
