આઈફોન ટૂંક સમયમાં ડોક્ટરોનો જીગરી દોસ્ત બની જશે. તેનું કારણ છે કે આઈફોનમાં એક એપ્લિકેશન ઉપલબ્ધ કરાવવામાં આવે છે જેની મદદથી હવે સ્ટેથોસ્કોપની જેમ હ્રદયના ધબકારા પણ માપી શકે છે.
આઈફોનના યૂઝર્સ આ એપ્લિકેશન મફતમાં ડાઉનલોડ કરી શકે છે. યુનિવર્સિટી કોલેજ ઓફ લંડનના સંશોધકોએ આ એપ્લિકેશન તૈયાર કરી છે. આઈસ્ટેથોસ્કોપ નામની આ એપ્લિકેશનને આઈફોન સ્ટોરમાં લોડ કર્યા બાદ અત્યાર સુધીમાં વિશ્વભરના ૩૦ લાખ ડોક્ટરો તેને ડાઉનલોડ કરી ચૂક્યા છે. તેના સંશોધક પીટર બેન્ટલે જણાવ્યું હતું કે ‘મોબાઈલ ફોન ટેકનિક હવે લોકોનો જીવ પણ બચાવી શકે છે.
આ પ્રકારના સેન્સર્સ અને હાઈકવોલિટી માઈક્રોફોનથી સજ્જ સ્માર્ટફોન આગામી દિવસોમાં ડોક્ટરોની જિંદગીનો અભિન્ન ભાગ બની જશે.’
