સોશિયલ નેટવર્કિગ વેબસાઈટ ફેસબુકે પ્રાઈવેસી પસંદ કરતા પોતાના યૂઝર્સ માટે ૧૫ સપ્ટેમ્બરથી ડીસઅપીયર નામથી એક ઓપન સોર્સ સોફ્ટવેટ લોન્ચ કરવાની જાહેરાત કરી છે. તેની ખાસિયત એ છે કે તે પોતાના યૂઝર્સની જાણકારીને એવા સર્વર પર સુરક્ષિત રાખશે જેનું નિયંત્રણ યૂઝર્સના હાથમાં હશે. યૂઝર્સ ઈચ્છે તો તેને નેટ પરથી સીધુ ડાઉનલોડ કરી શકશે અથવા ફેસબુકમાં જ તેમને સાઈન-ઈન માટેનો વિકલ્પ આપવામાં આવશે.
ફેસબુકે જણાવ્યું હતું કે ડીસઅપીયરને તેની સાથે કોઈ લેવાદેવા નહીં હોય. તેમાં રજિસ્ટર થનાર યૂઝર ફેસબુક, ફ્લિકર અને ટ્વિટરથી પોતાની માહિતી હટાવી ડીસઅપીયરમાં સ્ટોર કરી શકશે. તેનાથી ત્રણેય વેબસાઈટમાં અપડેટ્સ શેર કરવામાં કોઈ મુશ્કેલી નહીં પડે.
