છેલ્લા ત્રણ દિવસથી ગોહિલવાડમાં વરસાદનું જોર વધ્યું હતું. તે આજે નબળું થતાં જિલ્લાના ચાર તાલુકામાં હળવા-ભારે ઝાપટાથી પોણા ઈંચ વરસાદ વરસી ગયો હતો.
ભાવનગર જિલ્લામાં આજે ધૂપ-છાંવનું વાતાવરણ રહ્યું હતું તો ભાવનગર શહેરમાં સવારે ઠંડો પવન ફૂંકાયો હતો. આજે ગઢડા ખાતે ૧૬ મીમી વરસાદ નોંધાયો હતો. જ્યારે ઘોઘા અને ઉમરાળા તાલુકામાં સાત-સાત મીમી વરસાદ વરસ્યો હતો.
જ્યારે વલ્લભીપુર પંથકમાં ૯ મીમી વરસાદ વરસી ગયો હતો. ભાવનગર જિલ્લામાં આ વર્ષે સરેરાશ ૬૩૮ મીમી સામે આજે સાંજ સુધીમાં ૫૬૨ મીમી વરસાદ વરસી જતાં ૮૮.૧૭ ટકા વરસાદ વરસી ગયો છે.
