- ર૦૦૯ કરતાં ૨૦૧૦માં મોંઘવારીમાં ૩૦ ટકાનો થયેલો વધારો
દેશના વડાપ્રધાન હોય કે રાજ્યના મુખ્યમંત્રી હોય, વિકાસની વાતો બધા જ કરી રહ્યા છે. સર્વક્ષેત્રે વૃધ્ધિ થઇ રહી છે તેવી વાતો થાય છે. એક વૃધ્ધિ તો સર્વવિદિત છે અને તે છે જીવન જરૂરી ચીજોના ભાવમાં થતો વધારો.
જૂનો રૂઢિપ્રયોગ ઇસ્તેમાલ કરીએ તો કિંમતો વાર્તામાં આવતા રાજાના કુંવરની જેમ દિવસે ન વધે તેટલી રાત્રે અને રાત્રે ન વધે તેટલી દિવસે વધી રહી છે. છેલ્લા એક વર્ષમાં પેટ્રોલના ભાવમાં ૧૬ રૂપિયા અને ડીઝલના ભાવમાં ૧૦ રૂપિયા વધ્યા છે. બે દિવસ પછી ફરી દૂધના ભાવ વધશે, રાંધણગેસ અને ડીઝલનો ભાવવધારો પણ નક્કી છે. અને આ મોંઘવારીનું છે ય દાવાનળ જેવું, એક પાંદડું સળગે ને આખું વન ભડ ભડ....એટલે મુસાફરી પણ મોંઘી બનશે, ચા પણ મોંઘી થશે, માલપરિવહનના ભાડાં પણ વધશે.
શું મોંઘું થશે એ સવાલ નથી, શું મોંઘું નહીં થાય? એ મહત્વનું છે. અર્થશાસ્ત્રી અમિર ઉલ્લાખાંએ તાજેતરમાં જ કહ્યું કે મોંઘવારી અંગે ભવિષ્યવાણી કરવી યોગ્ય નથી. હા, પરંતુ મોંઘવારી હવે ભવિષ્યની વાત જ નથી, તે તો હંમેશા વર્તમાન છે!
દૂધ મોંઘું બન્યું હવે શું શું મોંઘું થશે?
ચા, કોફી, આઇસક્રિમ, મીઠાઇ, ચીઝ, પનીર, બટર, ઘી મોંઘા થશે,
હાલના ભાવ R ૩૦ લિટર + R ૨ વધશે
પેટ્રોલ મોંઘું બન્યું હવે શું શું મોંઘું થશે?
ટ્રાવેલિંગ, રિક્ષા, સિટીબસ, ટ્રાન્સપોટેંશન મોંઘા થશે,
હાલના ભાવ R ૫૯ લિટર + R ૨.૯૦ વધ્યા
તેલ મોંઘું બન્યું હવે શું શું મોંઘું થશે?
ફરસાણ, હોટેલનું ફૂડ, ઘરનું ફૂડ વગેરે આઇટમો મોંઘી થશે,
હાલના ભાવ R ૧૩૧૫ કિલો + R ૪૦ વધ્યા
શાકભાજી મોંઘું બન્યું હવે શું શું મોંઘું થશે?
આ ભાવ વધારાથી ગૃહિણીઓનું બજેટ વેરવિખેર થઇ ગયું,
હાલના ભાવ R ૬૦ કિલો + R ૨૦ વધ્યા
એલપીજી ગેસ મોંઘો થશે -
લોકોએ ખાણી-પીણી માટેનું બજેટ વધારવું પડશે,
હાલના ભાવ R ૩૬૦ સિલિન્ડર + R ૨૦ વધશે
