મહિલાના મોતનો ગુસ્સો ઉતર્યો કાર પર, ચાંપી આગ

Bhaskar News, Bhavnagar | Jul 01, 2012, 03:16AM IST

Article

આજે સાંજના ચિત્રા પ્રેસ કવાર્ટર સામે રોડ પર પસાર થઇ રહેલ જેસર તાબેના સનાળા ગામના બોધુભા રૂપસિંહ સરવૈયાના પત્ની જનકબા (ઉ.વ.પ૦) મીલીટ્રરી સોસાયટીમાં રહેતા તેમના સંબધીના ઘરેથી જઇ રહ્યા હતા ત્યારે રોડ પરથી પસાર થઇ રહેલ સેન્ટ્રોકાર નં. જીજે ૪ એ ૩૬૧૦ના ચાલક તર્થિરાજ મકોડભાઇ ચૌહાણ (રહે. ઢુંઢસર સિહોર) એ આ મહિ‌લાને અડફેટમાં લેતા તેને ગંભીર ઇજા થઇ હતી જેને હોસ્પિટલમાં ખસેડાતા સારવાર દરમિયાન તેનું મોત નિપજયું હતું

અકસ્માત સર્જી કાર ચાલક ફરાર બની ગયો હતો. જે અંગેની ફરિયાદ નીમાબા પ્રદયુમમસિંહ સરવૈયા (રહે. મીલીટ્રરી સોસાયટી)એ ડી ડીવીઝનમાં નોંધાવી હતી. આ બનાવ બનતા ઘટના સ્થળે મોટી સંખ્યામાં રાહદારીઓ તથા વાહન ચાલકો એકઠા થઇ ગયા હતા.

રોષે ભરાયેલ લોકોએ કારને આગ લગાડી દેતા કાર સળગી ગઈ હતી.