દેરડી પંચાયત કચેરીને સરપંચના દિયરે તાળુ મારી દીધું

Bhaskar News, Rajkot | Jun 23, 2012, 13:11PM IST

Article

- કચેરીને તાળા મારી પાણી વિતરણ કરતી મોટર પણ બંધ કરી દીધી

ગોંડલ તાલુકાના દેરડી ગામની પંચાયત કચેરીને આજે સવારે મહિલા સરપંચ ગીતાબેનના દિયર હસુભાઇ અમરશીભાઇ ગોળ અને પંચાયતના સદસ્યોએ તાળા મારી દઇ પાણી વિતરણની મોટર બંધ કરી દેતા ચકચાર મચી ગઇ છે. બનાવ અંગે પંચાયત કચેરીના પટ્ટાવાળા શાંતિલાલે પોલીસમા ફરિયાદ નોંધાવી છે.

બનાવની મળતી વિગતો મુજબ, પંચાયતે થોડા સમય પહેલા જ ભંગાર વેંચ્યો હતો. તેમજ ટ્રેક્ટર અને જેસીબીના બિલ ચૂકવવાના બાકી હોવાથી સરપંચના પતિ અરવિંદભાઇ અને તેના નાના ભાઇ હસુભાઇ સાથે ચડભડ થઇ હતી અને હસુભાઇએ બિલ નહીં ચૂકવાય તો કચેરીને તાળા મારી દેવાની ચીમકી આપી હતી. પોલીસે વિશેષ તપાસ હાથ ધરી છે. પાણી વિતરણની મોટર બંધ કરી દેવાતા ગ્રામજનોમાં દેકારો મચી ગયો હતો.