-સૌપ્રથમ તુવેરની દાળને ધોઈને કુકરમાં બાફવા મુકો.
-આ માટે જેટલી દાળ હોય એટલા પ્રમાણમાં પાણી મુકવું.
-કુકરને ચાર સીટી વગાડવી. થોડીવાર બફાયા પછી તેને કુકરમાંથી કાઢી લેવી.
-આ બફાયેલી દાળને નોન્સ્ટીક વાસણમાં તેલનો હાથ લગાડી ગેસ પર મધ્યમ તાપે મુકવી.
-હવે તેમાં ખાંડ નાખીને સતત હલાવતા રહેવું.
-થોડા સમય બાદ જ્યારે ખાંડનું પાણી બરાબર બળી જાય તેટલે ગેસ પરથી ઉતારી લો
-ગોળી વળી શકે તેવું પુરણ તૈયાર થઈ જાય એટલે તેને તરત ગેસ પરથી ઉતારી લેવું.
-આ રીતે તૈયાર થયેલા પુરણને એક થાળીમાં કાઢી લો
-તેના ઉપર પહેલા ખસખસ અને તે પછી કોપરાનું છીણ ભભરાવવું.
-હવે ઘઉંના લોટમાં સહેજ મ્હોણ નાખીને રોટલીનો લોટ બાંધવો.
-લોટને તેલનો હાથ મારીને સરખો કરવો. તેના લુઆ બનાવીને પહેલા પુરી જેટલું વણવું.
-તે પછી તેમાં પુરણ ભરીને તેને ચારેબાજુથી બંધ કરી, સહેજ દબાવી, ફરીથી મધ્યમ કદનું વણી લો
-આ રીતે તૈયાર થયેલી પુરણપોળીને તવા પર શેકી લેવી.
-તવા પરથી ઉતારીને તેની પર ઘી ચોપડી લેવું.
-આ પુરણપોળીને કઢી-ભાત કે દાળ સાથે ઉપયોગમાં લેવાથી અત્યંત સ્વાદિષ્ટ લાગે છે.
