અવ્યવસ્થિત શહેરી માહોલમાં રહેવાને કારણે ભારતીયો વધુ છંછેડાય છે. ભારતીયો સાથે મિત્રતાનો હેતુ હોય તો પણ તેમના નિકટ જવાનો પ્રયાસ મોંઘો પડી શકે છે. બ્રિટનની રાષ્ટ્રીય પર્યટન એજન્સીનો આ અભિપ્રાય છે. એજન્સીએ ૨૦૧૨માં યોજાનાર ઓલિમ્પિક દરમિયાન ભારતીય મહેમાનોની આવી રીતે ઉષ્માભર્યું સ્વાગત કરવાની સલાહ તેની એડવાઇઝરીમાં આપી છે.
હોટેલોથી માંડીને ટેક્સીવાળાઓ સુધીના લોકોને આપવામાં આવેલા આ નિર્દેશોમાં એવું પણ જણાવવામાં આવ્યું છે કે, ભારતીય મહેમાનોને સ્પર્શ કરવાથી બચો, કારણ કે એમ કરવાનું આક્રમક માની શકાય છે. એજન્સીએ એવું પણ જણાવ્યું કે, ભારતીયોને અસ્તવ્યસ્ત વાતાવરણ જ ગમે છે.
સાંસ્કૃતિક સમજ વધારવા માટે આ બધા નિર્દેશો અપાયા છે. ‘વિઝિટ બ્રિટન’ના સીઇઓ સેંડી ડાવે કહે છે કે, વિદેશી મહેમાનો વર્ષે ૧૬ અબજ પાઉન્ડથી વધુનો ખર્ચ કરે છે. તેમનું મૈત્રીપૂર્ણ રીતે સ્વાગત કરવાનું જરૂરી છે.’
ભારતીયો જ નહીં, એડવાઇઝરીમાં બધાની ટીકા
જાપાની :
જાપાનીઓ હસે છે ત્યારે તેઓ ખુશ હોય તે જરૂરી નથી. તેઓ ગુસ્સામાં, ઉદાસ અથવા નિરાશ પણ હોઇ શકે છે.
આર્જેન્ટિનિયન :
તેમની મજાકને ગંભીરતાથી ન લો.
હોંગકોંગ :
હોંગકોંગના લોકોને જોઇ પલકારા મારવા નહીં. ત્યાંના લોકો આ બાબતને અસભ્ય માને છે.
અરબી :
અરબ લોકો સામે બોસ બનવાનો પ્રયાસ ન કરો.
દક્ષિણ આફ્રિકા :
દક્ષિણ આફ્રિકાના લોકોની સામે હાથના અંગૂઠાને બે આંગળીઓ વચ્ચે ન લાવ. તેમના માટે આ અશ્લીલતા છે.
બ્રાઝિલ :
બ્રાઝિલના લોકોને તેમની વય અને પગાર જેવા ખાનગી પ્રશ્નો ન કરો.
