સેન્ટર ફોર એન્વાયરમેન્ટ એજ્યુકેશનના ઉપક્રમે યોજાયેલી એશિયા પેસિફિક યુનેપ કોન્ફરન્સ ફોર યૂથ એન્ડ ચિલ્ડ્રનના પગલે પાંચથી આઠ ફેબ્રુઆરી દરમિયાન એક વિશેષ ઓર્ગેનિક ફૂડ ફેસ્ટિવલનું આયોજન થયું છે. ઋતુઆહારના આ ફૂડ ફેસ્ટિવલમાં સાત ધાનમાંથી બનાવેલી કેટલીક વિશેષ વાનગીઓ પિરસવામાં આવી રહી છે. રાગી, ચિલ, લુણી, અળસી વગેરેનો ઉપયોગ કરી બનાવાયેલી વાનગીઓ ઋતુઆહારની ખાસિયત છે.
આ ફૂડ ફેસ્ટિવલ દ્વારા લોકોમાં ઓર્ગેનિક ફૂડના ફાયદા, તેનો ઉપયોગ અને તેના થકી ક્રોપ ડાઇવર્સિટીનો સંદેશો પ્રસરાવવાનો પ્રયાસ કરવામાં આવી રહ્યો છે. આ ઉપરાંત લોકોને ઓર્ગેનિક ફૂડના સ્વાસ્થ્યલક્ષી ફાયદા ખબર પડે તેનો પણ પ્રયાસ કરાઇ રહ્યો છે.
