અમદાવાદના રોયલ રાઈડર્સ મોટરસાઈકલિંગ ગ્રૂપ દ્વારા કચ્છના નાના રણ સુધીની રાઈડનું આયોજન કરવામાં આવ્યું છે. ૫મી ફેબ્રુઆરીએ યોજાનારી આ રાઈડમાં ગ્રૂપના ૧૦૦થી વધુ સભ્યો અમદાવાદથી કચ્છ સુધી એક દિવસની રાઈડ કરશે. સલામતીના પાસાંને ધ્યાનમાં રાખીને સાહસ માણવાના હેતુથી બે વર્ષ અગાઉ આ ક્લબની સ્થાપના કરવામાં આવી હતી.
બે વર્ષની ઉજવણીના ભાગરૂપે ક્લબ દ્વારા રાઈડનું આયોજન કરવામાં આવ્યું છે. રાઈડ દરમિયાન તમામ સભ્યો હેલમેટ પહેરીને બાઈક ચલાવશે. રવિવારે સવારે ૭.૧૫ કલાકે નવરંગપુરાથી આ બાઈક રાઈડનો આરંભ થશે.
