વરસાદની મોસમમાં સંગીતના સૂર છેડાય ત્યારે તેને માણવાની મજા જ કંઇ જ અલગ હોય. આવા જ વરસાદી મોસમમાં શ્રેયસ ફાઉન્ડેશનના પ્રાંગણમાં બાળકોએ સંગીતના સૂર છેડ્યા ત્યારે સૌ કોઇ તેનાથી મંત્રમુગ્ધ બની ગયા.
દર વર્ષની જેમ આ વર્ષે પણ શ્રેયસ ફાઉન્ડેશન ખાતે ‘વર્ષા મંગલ’ સંગીત સંમેલન યોજાઈ ગયું. જેના વિશે વાત કરતા સંસ્થાના પ્રિન્સપાલ ડૉ. વૈશાલી શાહે જણાવ્યું હતું કે, અમારે ત્યાં વિશેષ વિષય તરીકે બાળકને નર્સરીથી સંગીત શીખવાય છે. બીજા ધોરણથી તેમને કલાસિકલ સંગીત શીખવવાનું શરૂ કરી દેવાયે છે.
પ્રોગ્રામમાં શાળાનાં ૬૦૦ બાળકો ઉપસ્થિત રહ્યાં હતાં. બાળકોએ મલ્હાર, સારંગ, કેદાર વગેરે રાગ છેડ્યા હતા. આ કાર્યક્રમમાં સંગીતના લયની સાથે પ્રકૃતિ પ્રેમનો મહિમા પણ બાળકોને સમજાવવામાં આવ્યો હતો અને જતનનની જવાબદારી સાથે વૃક્ષારોપણ પણ કરાવવામાં આવ્યું હતું.
