શહેરની એસ.એલ.યુ. આર્ટ્સ એન્ડ એચ એન્ડ પી ઠાકોર કોમર્સ કોલેજ ફોર વૂમનમાં અભ્યાસ કરતી વિદ્યાર્થિનીઓ દ્વારા તૈયાર કરેલી કૂર્તીઓનું એક્ઝિબિશન બુધવારે કોલેજ ખાતે આયોજિત કરાઈ હતી. આ એક્ઝિબિશનનું ઉદ્ઘાટન ફેશન ફોટોગ્રાફર નેહાબહેન ભટ્ટ દ્વારા કરવામાં આવ્યું હતું.
કોલેજના ફેશન ડિઝાઇનિંગ વિભાગની ૬પ વિદ્યાર્થિનીઓ દ્વારા કૂર્તીનું પ્રદર્શન રાખવામાં આવ્યું હતું. આ પ્રદર્શનમાં વિદ્યાર્થિનીઓ દ્વારા ફ્રેબ્રિક વર્કના દુપટ્ટા, પેટેન્ડ વર્ક, ક્રોસે અને કપડાંનું કોમ્બિનેશન વર્કના દુપટ્ટા, કૂર્તીમાં ક્રોસે અને કપડાંનું કોમ્બિનેશન દ્વારા સુંદર કૂર્તીઓ તૈયાર કરી છે.
દસ મહિનાના આ કોર્સમાં વિદ્યાર્થિનીઓએ પ્રોફેસર અનાર પરીખના માર્ગદર્શનમાં ૨૦૦ જેટલી કૂર્તીઓ તૈયાર કરી છે. ડિઝાઈનિંગ વિદ્યાર્થિનીઓએ ફેબ્રિક પ્રિન્ટ, બ્લોક પ્રિન્ટ, ડાઇ એન્ડ ડાઇ, હેન્ડ એન્ડ મશીન એમ્બ્રોડરીનો કૂર્તીમાં ઉપયોગ કરીને સુંદર કૂર્તીઓ તૈયાર કરી છે. આ પ્રસંગે સિરાલી મહેતાએ જણાવ્યું હતું કે, વિદ્યાર્થિનીઓ દ્વારા તૈયાર કરવામાં આવેલી આ કૂર્તીઓને એલાઇટ ગેલેરી ખાતે ૧ ફેબ્રુઆરીના રોજ એક્ઝિબિશન કરવામાં આવશે.
