શહેર જિલ્લામાં પોલીસે ચાર સ્થળે રેડ કરી ૨૧ જુગારીયાને ઝડપી પાડ્યાં હતાં.
મકરપુરા પોલીસને મળેલી બાતમી આધારે ગઇકાલે વડસર જી.આઇ.ડી.સી.માં રેડ પાડતાં છ જુગારીઓ R ૧૪, ૬૦૦ની રોકડ રકમ સાથે ઝડપાઇ ગયા હતા.પોલીસે સ્થળ પરથી છ મોબાઇલ ફોન તેમજ કાર અને એક બાઇક કબજે કરી હતી.
ઝડપાયેલા જુગારીઓમાં દીપક નાનજીભાઇ મિસ્ત્રી, પંકજ ધીરજભાઇ ઠાકોર, વિવેક બાબુરાવ દીઘે, તેજપાલસિંહ મુનસિંહ ચૌધરી, રજનીકાંત દીપકભાઇ મિસ્ત્રી અને કિરીટ ગોવિંદભાઇ પટેલનો સમાવેશ થાય છે.
જ્યારે કશિનવાડી પોલીસે વારસિયાના સાઇગંગા એપાર્ટમેન્ટમાં રેડ પાડતાં જુગાર રમતાં દિલીપ વસંત જયસ્વાલ, મૂકેશ ધરમદાસ માધવાણી, કમલેશ ચોઇથારામ વાઘવાણી, રામભાઇ મંજુમલ દોબેના અને મનોજ અશોકભાઇ ચેતવાણીરૂ.૧૦,૮૬૦ની રોકડ રકમ સાથે ઝડપાઇ ગયા હતા.
પાદરાના માસારોડ અને સાવલીના બાલાનાપુરા ગામે પોલીસે દરોડો પાડી શ્રાવણિયો જુગાર રમતા દસ ખેલીઓને ઝડપી પાડ્યા હતા જ્યારે છ ફરાર થઇ ગયા હતા.
પોલીસ અધિકારીઓ પર સસ્પેન્શનનો ખતરો
તાજેતરમાં વાંકાનેર ગામમાં રૂ.૬ લાખનો જુગાર રમાતો ઝડપાતાં ભાદરવાના પી.એસ.આઇ.ને સસ્પેન્ડ કરાયા હતા. ત્યારે શહેરમાં પણ કોઇ પણ પોલીસસ્ટેશન વિસ્તારમાં કોઇ સ્કવોડ અથવા તો પછી વિજિલન્સની રેડ મોટો જુગાર ઝડપે તો જવાબદાર અધિકારીઓ સામે સસ્પેન્શનનાં પગલાંનો ખતરો તોળાઇ રહ્યો છે.
