યુનિ.માં ગુજરાત ક્રિકેટ એસો.ના એક વોટ માટેનું રાજકારણ ગરમ

ગુજરાત યુનિવર્સિટી ધીરેધીરે રાજકીય પક્ષોનો અખાડો બની ગઈ હોય તેવું ચિત્ર ઉપસી રહ્યું છે. ગુ. યુનિ. સ્ટાફ સ્પોર્ટ્સ-રિક્રિએશન ક્લબના પ્રમુખ તરીકે પૂર્વ કુલપતિ ડૉ. પરિમલ ત્રિવેદીએ તેમનો કાર્યકાળ પૂરો થયા પછી કાર્યકારી કુલપતિ ડૉ. મુકુલ શાહની નિયુક્તિ કરી દેતા વિવાદ સર્જાયો છે.

ગુજરાત ક્રિકેટ એસો.માં ગુજરાત યુનિવર્સિટી સ્પોર્ટ્સ-રિક્રિએશન ક્લબના પ્રમુખનો એક વોટ ગણાય છે.ત્યારે આ ક્લબના સભાસદોની બેઠક યોજયા સિવાય ક્લબના પ્રમુખ તરીકે કાર્યકારી કુલપતિની નિયુિકતને અંગે સોમવારે યુનિ.માં કોંગ્રેસી સભ્યોએ રજૂઆત કરી હતી.

સોમવારે બપોરે સિનિયર સિન્ડિકેટ મેમ્બર નરહરિ અમીનની આગેવાનીમાં કાર્યકરોએ ભારે આક્રોશ સાથે કાર્યકારી કુલપતિ ડૉ. મુકુલ શાહ સમક્ષ રજુઆત કરી હતી.