એમિરેટ્સ એરના મુસાફરો અમદાવાદમાં૧૧ કલાક રઝળ્યા

એમિરેટસ એરલાઈન્સમાં શુક્રવારે સવારે દુબઈ જવા માટે સવારે સાત વાગ્યાથી અમદાવાદ એરપોર્ટ પર પહોંચેલા ૨પ૦થી વધુ મુસાફરો બાર કલાક રઝળ્યા બાદ સાંજે સાડા આઠ વાગ્યે ફલાઈટ મળી છે. સવારની ફલાઈટમાં ટેકનિકલ ખામી હોવાના કારણે ટેક ઓફ કરાઈ ન હતી. કેટલાક મુસાફરોને હોટેલની સુવિધા પ્રાપ્ત ન થઈ હોવાની ફરિયાદ કરી હતી. જો કે આ અંગે એમિરેટ્સ તરફથી કોઈ પણ જવાબ આપવાનું ટાળવામાં આવ્યું હતું.

માહિ‌તગાર સૂત્રોના જણાવ્યા અનુસાર એમિરેટ્સની ફલાઈટ નંબર ઈકે પ૪૧નો સવારે ૯.૩૦ વાગ્યે અમદાવાદ એરપોર્ટથી દુબઈ જવા માટે ટેક ઓફ કરવાની હતી. એમિરેટ્સ એરલાયન્સે સાંજે સાડા આઠ વાગ્યે બીજી નવી ફલાઈટની વ્યવસ્થા કરી હતી. જો કે દુબઈથી કનેકટિંગ ફલાઈટ લેવા માંગતાં મુસાફરો માટે મોટી મુશકેલી સર્જા‍ઈ હતી અને પ્રવાસનું આખું શિડયુલ્ડ ખોરવાઈ ગયું હતું.