Advertisement
DaxinGujarat MadhyaGujarat
Saurashtra
UttarGujarat
Kutchh
Ahmedabad
Vadodara
Surat
Rajkot
DiuDaman
Bhavnagar
Mumbai
Gujarat ni Gupsup
Home >> Madhya Gujarat >> Panchalmahal-Dahod >> Jalod >> ઝાલોદ તાલુકામાં જાતિ આધારિત
વસ્તી ગણતરીની કામગીરી ખોરંભે
ઝાલોદ તાલુકામાં જાતિ આધારિત વસ્તી ગણતરીની કામગીરી ખોરંભે
ભાસ્કર ન્યૂઝ. ઝાલો
| Jan 22, 2012, 04:03AM IST
જેથી શિક્ષણની કામગીરી પણ થતી નથી અને બાળકોનો અભ્યાસ પણ બગડે છે.
જાતિ આધારિત વસ્તી ગણતરીની કામગીરીમાં સરકાર તરફથી ખાનગી કંપનીને સોંપવામાં આવેલ છે. ઝાલોદ તાલુકામાં પણ ખાનગી કંપની દ્વારા કોમ્પ્યૂટર ઓપરેટરોની ભરતી કરવામાં આવી છે અને આ કામગીરીમાં ટેબલેટ કોમ્પ્યૂટરનો ઉપયોગ કરવાનો છે. કમ્પ્યૂટરને લગતી તમામ કામગીરી ભેલ કંપનીએ કરવાની છે. પરંતુ કોમ્પ્યૂટર જ વિલંબથી મળ્યા હોઇ જરૂરી એન્ટ્રીની કામગીરી પૂર્ણ થયેલ નથી. જેથી આ વસતી ગણતરીના કામમાં રોકાયેલા શિક્ષકો છેલ્લા બે દિવસથી કોન્ટ્રાકટર અને મામલતદાર કચેરી વચ્ચે બાઇ બાઇ ચારણીની રમત રમીને વિલા મોઢે પરત જાય છે.
તાલુકાની વસ્તીગણતરીના કામમાં રોકાયેલા શિક્ષકોને ૧૩મી જાન્યુઆરીના રોજ ધ્વનિ સંદેશથી મામલતદાર કચેરી ખાતે બોલાવવામાં આવ્યા હતા. પરંતુ કોન્ટ્રાકટર દ્વારા પૂરતી તૈયારી ન થઇ હોઇ આજ દિન સુધી દરરોજ શિક્ષકો તાલુકા મથકે આવે છે અને પરત ખાલી હાથે જાય છે.કોઇ સુપરવાઇઝર કે જવાબદાર અધિકારી જ નથી કે જેમની પાસેથી પૂરતી માહિતી મળી શકે.
કોન્ટ્રાકટર અને સરકારી તંત્ર વચ્ચે સંકલનનો અભાવ હોઇ શિક્ષકોનો અને ઓપરેટરોનો સમય બગડી રહ્યો છે. કામગીરી આજદિન સુધી શરૂ જ થઇ નથી. કોન્ટ્રાકટરના કહેવા મુજબ હજુ સુધી પીસી અપડેટ જ થયા નથી એક અઠવાડિયામાં બધાં જ પીસીની અપડેટની કામગીરી પૂર્ણ થશે.આવા કારણોસર શિક્ષકોનુ શિક્ષણ કાર્ય અને બાળકોનું ભણતર બગડી રહ્યું છે. આ વ્યવસ્થામાં સુધારો કરવો જરૂરી બાબત બની છે.
