મોબાઈલ ફોનમાં ટોઇલેટના ફ્લશ હેન્ડલ કરતાં ૧૮ ગણા વધુ બેકટેરિયા હોઈ શકે છે. એક બ્રિટિશ પત્રિકાએ ૩૦ કરતાં વધુ કંપનીઓના મોબાઈલ હેન્ડસેટની તપાસ કર્યા બાદ આ તારણ કાઢયું છે. તપાસમાં જાણવા મળ્યું કે મોબાઈલને નિયમિત રીતે સાફ ન કરવાથી તેમાં નુકસાનકારક બેકટેરિયાના સંખ્યા વધતી જાય છે.
અધ્યયનકર્તા અને બ્રિટનના હાઈજીન નિષ્ણાત જીમ ફ્રાન્સિસે જણાવ્યું કે, આ બેક્ટેરિયા શરીર પર તુરંત હુમલો કરતા નથી. પરંતુ તે હાથ, શ્વાસ અને મોઢાની ચામડીના સંપર્કમાં આવીને પેટમાં જતા રહે છે. જેના પરિણામે પેટમાં બીમારી પેદા થાય છે.
આ બેક્ટેરિયામાં સાલમોનેલા બેકટેરિયા પણ હોય છે, જે લિવરને ગંભીર નુકસાન પહોંચાડી શકે છે.
