- સાઇબાબાની અસીમ કૃપાથી શિરડી મંદિરમાં ધનના ભંડાર હંમેશાં ભરપુર રહે છે
દેશના સૌથી સમૃદ્ધ અને સંપત્તિવાન મંદિરોમાંના એક શિરડી ખાતેના સાઇબાબા મંદિર પાસે રૂ.૫૦૦ કરોડની રકમ જેટલી બેંકોમાં એફડી અને ગવર્નમેન્ટ સિકયોરિટીઝ(બોન્ડ) સાથે અઢળક સંપત્તિ હોવાનું મંદિરના વાર્ષિક અહેવાલમાં જણાવાયું છે.
મહારાષ્ટ્ર વિધાનસભાના તાજેતરમાં પૂરા થયેલા શિયાળુસત્રમાં રજુ કરાયેલા મંદિરના વર્ષ ૨૦૧૦-૧૧ના વાર્ષિક અહેવાલ અનુસાર સાઇબાબા મંદિરની વિવિધ રાષ્ટ્રીયકૃત બેંકોમાં રૂ.૪૬૬ કરોડની બાંધી મુદ્દતની થાપણો(એફડી)છે. જ્યારે રૂ.૪૦.૮૪ કરોડ રૂપિયાના કિસાન વિકાસ પત્રો છે અને R ૨૨ કરોડના સરકારી બોન્ડ્સ સહિત કુલ રૂ.૫૨૯ કરોડ રૂપિયાનું રોકાણ છે.
આ ઉપરાંત સાઇબાબા મંદિર પાસે R ૨૮ કરોડનું સોનું, રૂપિયા ચાર કરોડની કિંમતની ચાંદી અને અન્ય મૂલ્યવાન ચીજવસ્તુઓ છે. મંદિર વહીવટીતંત્ર આ રકમ ઉપરાંત ભંડોળનું શિરડીમાં જ ગટરલાઇનો, ટ્રાફિક સિગ્નલ્સ લગાવવા અને તબીબી સુવિધાઓ આપવી વગેરે ઉમદાં કાર્યો પાછળ ખર્ચે છે.
Prev
