- આદિવાસી ગામ ગડચિરોલીના બામ્બૂ વખણાય છે
- કોઇપણ ભ્રષ્ટાચાર વગર ગ્રામવાસીઓએ કરી છે કરોડોની કમાણી
નવાઈ લાગશે પણ ભારતના એક ગામે માત્ર બામ્બૂ વેચીને કરોડોની કમાણી કરી છે. મહારાષ્ટ્રના આ આદિવાસી ગામમાં તાજેતરમાં બામ્બૂના વેચાણ માટે કરવામાં આવેલી હરાજીમાં કરોડોની બિડ મળી હતી.
નાગપુરનું આદિવાસી ગામ ગડચિરોલી માત્ર બામ્બૂ વેચીને આ વર્ષે કરોડપતિ બન્યું છે. તાજેતરમાં ગ્રામ સભા દ્વારા બામ્બૂના વેચાણ માટે જાહેર કરવામાં આવેલી ટેન્ડર પ્રક્રિયા દરમિયાન કરોડો રૂપિયાની ઓફર મળી હતી. નોંધનીય છે કે આ ગામમાં ગ્રામસભા દ્વારા સહુની સામે જાહેરમાં ટેન્ડરપ્રક્રિયા યોજવામાં આવે છે.
જ્યારે બિડ ખોલવામાં આવે છે ત્યારે ટેન્ડર ભરનારાઓને પણ બોલાવવામાં આવે છે અને તેમનું પરંપરાગત સ્વાગત પણ કરવામાં આવે છે, તેમ આ વિસ્તારમાં કામ કરનારા સામાજિક કાર્યકર મોહન હિરાલાલ અને સુબોધ કુલકર્ણીએ જણાવ્યું હતું. આ વખતનો બામ્બૂ માટેનો કોન્ટ્રાક્ટ ભોપાલસ્થિત વી કે આનંદની ફર્મને મળ્યો છે.
