ઓસ્ટ્રેલિયાના ઈમિગ્રેશન ડિપાર્ટમેન્ટે હાલમાં જ એક કૌંભાડનો પર્દાફાશ કર્યો છે. ડિપાર્ટમેન્ટને માલુમ પડ્યું હતું કે એશિયાના અમુક દેશોમાંથી મહિલાઓ સ્ટુડન્ટ વિઝા પર આવીને અહીં દેહ વિક્રયનો ધંધો કરી રહી છે. ઈમિગ્રેશન ડિપાર્ટમેન્ટ આવી રીતે સેક્સ ટ્રેડમાં સંડોવાયેલી અનેક એશિયન મહિલાઓની ધરપકડ કરી છે.
ઈમિગ્રેશન ડિપાર્ટમેન્ટ દ્વારા કરવામાં આવેલી તપાસમાં માલુમ પડ્યું છે કે આ મહિલાઓ એક અઠવાડિયામાં 10, 000 ડોલર જેટલી કમાણી કરતી હતી. તેમજ આ મહિલાઓ એક વેબસાઈટ મારફતે જાપાન, સાઉથ કોરિયા અને ચીનમાંથી નવી યુવતીઓ આવી હોવાની જાહેરાત પણ કરતી હતી.
અધિકારીઓને માલુમ પડ્યું હતું કે આ મહિલાઓ સ્ટુડન્ટ વિઝા પર અહીં આવી હતી. અહીં આવ્યા બાદ તે ભણવાને બદલે સેક્સ બિઝનેસમાં જોડાઈ જતી હતી. અધિકારીઓએ જણાવ્યું હતું કે અહીં આવતી મહિલાઓ 12 કલાકની શિફ્ટમાં કામ કરે છે. તેમજ અમુક કિસ્સામાં મૂળ મહિલાના બદલામાં કોઈ અન્ય યુવતી અભ્યાસ કરી રહી હોય છે. જ્યારે મૂળ મહિલા સેક્સના વ્યવસાય સાથે જોડાયેલી હોય છે.
અધિકારીઓને માલુમ પડ્યું હતું કે ધરપકડ કરવામાં આવેલી અમુક વેશ્યાઓમાંથી અમુકે ઈમિગ્રેશન એજન્ટોને લાંચ આપીને સ્ટુડન્ટ વિઝા મેળવ્યા હતાં. સેક્સ વર્કર તરીકે કામ કરવા આવતી મોટા ભાગની મહિલાઓ પોતાના દેશમાં પણ સેક્સ વર્કરનું જ કામ કરતી હતી. પરંતુ વધારે પૈસાની લાલચમાં આહીં આવી હતી. આ ઉપારંત અધિકારીઓને એવું પણ માલુમ પડ્યું હતું કે કુટણખાનાના માલિકો વધારે પૈસાની લાલચ આપીને મહિલાઓ પાસે અસુરક્ષિત સેક્સ પણ કરાવતા હતાં.
