- ચાલુ ડ્યૂટીએ છૈયા-છૈયા કરવું ભારે પડ્યું પોલીસ અધિકારીને - પોલીસની વર્દીમાં સજ્જ થઇ અધિકારી નાચતો હતો છૈયા-છૈયા ગીત પર
બોલિવૂડના ઘણા ગીતો માત્ર દેશ જ નહીં પરંતુ વિદેશમાં પણ લોકપ્રિય થયા છે. શાહરૂખખાન અને મલાઇકા અરોરા પર ફિલ્માવાયેલું છૈયા-છૈયા ગીત પોતાન સમયમાં ઘણું લોકપ્રિય થયું હતું. આ ગીતના લીધે ઇન્ડોનેશિયાના એક પોલીસ અધિકારીઓ પોતાની નોકરીથી હાથ ધોવા પડ્યા છે.
આ ગીતે ઇન્ડોનેશિયાના નોર્મન કપારૂ નામના પોલીસ અધિકારીને પહેલા તો યુ ટ્યુબ દ્વારા સુપર સ્ટાર બનાવ્યો બાદમાં એ જ લોકપ્રિયતા તેની નોકરી પર ભારે પડી. યુટ્યુબ પર અપલોડ કરાયેલા વીડિયોમાં નોર્મન એ ગીત પર બેઠો-બેઠો નાચતો હોય તેવું દર્શાવાયું હતું. છૈયા-છૈયા કરતી વખતે તે માત્ર વર્દીમાં જ નહતો પરંતુ ડ્યૂટી પર પણ હતો.
જોતજોતામાં આ વીડિયો દેશનો સૌથી વધુ જોવાતો વીડિયો બની ગયો બાદમાં તેને સોશિયલ નેટવર્કિંગ સાઇટ ટ્વિટર પર પણ મુકાયો હતો. નોર્મનના ફેન્સની સંખ્યા વધતી જ ગઇ અને તે ટીવી પર ચર્ચાના કાર્યક્રમોમાં પણ ભાગ લેવા લાગ્યો જેના પગલે તે સતત બે મહિના સુધી નોકરી પર ન આવ્યો. જેના પગલે આ અઠવાડિયે તેને નોકરીમાંથી પાણીચું પકડાવી દેવાયું.
- તમારો મત
આ અંગે નીચે આપેલા ફિડબેક ફોર્મમાં સંયમિત ભાષામાં તમારો મત વ્યક્ત કરો. મહેરબાની કરીને એ ખાસ નોંધી લો કે તમારી દરેક કમેન્ટ્સ, વાંધાજનક ટિપ્પણી માટે તમે જવાબદાર છો અને અપશબ્દો લખવા એ સજાને પાત્ર કૃત્ય છે.
