ભારતીય અને પાકિસ્તાની ડોક્ટરોએ મળીને પાકિસ્તાનમાં સૌપ્રથમવાર લિવર ટ્રાન્સપ્લાન્ટનું સફળ ઓપરેશન કર્યું છે. લિવિંગ ડોનર લિવર ટ્રાન્સપ્લાન્ટેશન(એસડીએલટી) નામની આ સર્જરી શુક્રવારે લાહોરની શેખ જાયેદ હોસ્પિટલમાં કરવામાં આવી હતી. ડોક્ટરોના અનુસાર એલડીએલટી ખૂબ જ સંવેદનશીલ અને જટિલ ઓપરેશન છે. તેમાં લિવર દાતા અને લેનારા બન્નેના જીવને જોખમ હોય છે. દિલ્હીની એપોલો હોસ્ટપિલના સિનિયર ટ્રાન્સપ્લાન્ટ ડોક્ટર સુભાષ ગુપ્તા અને અન્ય ત્રણ સાથી ડોક્ટરો ઉપરાંત પાકિસ્તાનના ત્રણ ડોક્ટરોએ સાથે મળીને આ ઓપરેશન કર્યું હતું. ઓપરેશન બાદ પાકિસ્તાની ડોક્ટર તારિક બંગિશે જણાવ્યું હતું કે આ સફળતાની સાથે જ પાકિસ્તાનમાં એલડીએલટી યુગનો આરંભ થયો છે.
ખાનુમ મૌલા નામના દર્દીનું લિવર ટ્રાન્સપ્લાન્ટ કરવામાં આવ્યું છે. તેમના નજીકના સંબંધી ઇરશદ બીબીએ લિવર ડોનેટ કર્યું હતું. બીજી સર્જરી ૪૫ વર્ષની આબિદા પરવીનની થઇ હતી. તેને તેના ૧૯ વર્ષના પુત્રએ લિવર દાનમાં આપ્યું હતું. પાકિસ્તાનની ડોક્ટરોની વિનંતીથી ભારતીય ડોક્ટરો આ ઓપરેશન કરવા પાકિસ્તાન ગયા હતા.
