જ્યારે પિતા અમેરિકાના ભૂતપૂર્વ રાષ્ટ્રપતિ હોય અને માતા અમેરિકાની સ્ટેટ સેક્રેટરી હોય ત્યારે તેમની પુત્રીના લગ્નમાં અધધધ ખર્ચ તો જોવા મળવાનો જ છે. ચેલ્સીઆ ક્લિન્ટનના શનિવારે યોજાનાર લગ્નમાં આશરે 3.2 મિલિયન ડોલરનો ખર્ચ અંદાજવામાં આવી રહ્યો છે.
ચેલ્સીઆ ક્લિન્ટનના લગ્ન સમગ્ર અમેરિકાની ઇવેન્ટ ઓફથી યર બની રહેશે. ચેલ્સીઆના લગ્નમાં 500 જેટલા મહેમાનો પર માથાદિઠ 6.400 ડોલરનો ખર્ચ કરવામાં આવશે.
પોતાની પુત્રીના લગ્નમાં હિલેરી ક્લિન્ટન જે ડ્રેસ પહેરશે તેની કિંમત આશરે 16 હજાર ડોલરની આંકવામાં આવી રહિ છે, જ્યારે તે દિવસે હિલેરી જે જ્વેલરી પહેરશે તેની કિંમત 1,60 હજાર ડોલરની હશે. ચેલ્સીઆના લગ્નની કેક માત્ર 7 હજાર ડોલરની હશે.
ઉપરાંત ચેલ્સીઆના લગ્નમાં જે સલામતી વ્યવસ્થા કરવામાં આવશે તેની કિંમત 1,30 હજાર ડોલરની આંકવામાં આવે છે.
