અમેરિકાના નેશનલ હરિકેન સેન્ટર(એનએચસી) પાસેથી મળતી માહિતી અનુસાર, તોફાન ડેનિયલ અને ઉષ્ણ કટિબંધનું તોફાન અર્લ એટલાન્ટિક મહાસાગરના કેટલાંક ક્ષેત્રોમાં વેગ પકડી ચૂક્યું છે, પરંતુ તેને કિનારે પહોંચતા હજુ થોડો સમય લાગશે.
એક અનુમાન પ્રમાણે, ડેનિયલ આ અઠવાડિયાના અંત સુધી પૂર્વીય બરમુડાને પાર કરી લેશે. તે અમેરિકાના પૂર્વીય તટથી થોડું દૂર રહેશે, પણ આવતા સપ્તાહ સુધી કેનેડાના કિનારા માટે ખતરારૂપ બની શકે છે.એનએચસીએ વધુમાં જણાવ્યું છે કે બરમુડાથી 680 માઇલ દૂર દક્ષિણ-પૂર્વ સ્થિત દ્વિતિય શ્રેણીનું તોફાન ડેનિયલ ઉત્તર-પશ્ચિમ તરફ આગળ વધી રહ્યું છે.
110 કિલોમીટર પ્રતિ કલાકની ઝડપ થી પૂર્વીય ઓલિયંસ શહેર તરફ આગળ વધી રહેલું ડેનિયલ તોફાન શનિવાર કે રવિવારના રોજ વેગ પકડીને તીવ્ર વંટોળ બની જાય તેવી આશંકા છે.
