આમ તો સ્ત્રીઓ પોતાના જીવનમાં પતિને વધુ મહત્વ આપે છે પણ લંડનની સ્ત્રીઓની વિચારસરણી થોડી અલગ છે. હાલમાં જ થયેલા એક અભ્યાસમાં જાણવા મળ્યું છે કે પોતાના સહયોગીઓ અને પતિ કરતા વધુ પ્રાધાન્ય બોસને આપે છે. આટલું જ નહીં બોસ માટે ભેટ પણ વધુ ખરીદે છે.
શોધ સંસ્થા પીકોક્સના માર્કેટિંગ નિર્દેશક લિસા બ્રાન્ડનું કહેવું છે કે શોધમાં આ વાત સામે આવી છે કે સ્ત્રીઓ પોતાના પતિ કરતા પોતાના સારા મિત્રોને પાર્ટી આપવી વધુ પસંદ કરે છે.
આ સિવાય સ્ત્રીઓ પોતાની આવકમાંથી ઓછામાં ઓછા 15 ટકા આવક વસ્ત્રો, સૌંદર્ય પ્રસાધન અને રજાઓ ગાળવા પર વાપરે છે. 2/3ભાગ પોતાના બાળકો પર અને 10 ટકા આવક પોતાના બોસ માટે ભેટ ખરીદવા પાછળ વાપરે છે. તે પોતાના પતિ કે પ્રેમી માટે માત્ર 1 ટકા આવક વાપરે છે.
કારણ કે તેમના માટે પતિ કરતા વધુ મહત્વની તેમની કારકીર્દિ છે.
