સૌથી મોંઘો આ મોબાઇલ,ખરીદતા છૂટી જશે પરસેવો

-જ્વેલ ડાયમન્ડ,પ્લેટિનમ,સોનું જડેલું છે આ ફોનમાં -સરફેસમાં 100 કેરેટના 500 ગ્રેન ડાયમન્ડ -નેવીગેશન બટનમાં 7.4 કેરેટનો ડાયમન્ડ રોઝ

તમને ખબર છે કે દુનિયાનો સૌથી મોંઘો મોબાઇલ કયો છે? તેની કિંમત કેટલી છે? જો તમે નથી જાણતા તો તમને જણાવી દઇએ. ડાયમન્ડ રોઝ આઇફોન 4 દુનિયાનો સૌથી મોંઘો મોબાઇલ ફોન છે. 40 કરોડ રૂપિયાની કિંમતના આ મોબાઇલને ખરીદવામાં અચ્છા અચ્છાના પરસેવા છૂટી જાય છે.

ડાયમન્ડ રોસ આઇફોન 4માં ધરતીના 3 મોંઘા જ્વેલ ડાયમન્ડ, પ્લેટિમન અને સોનું લગાડવામાં આવ્યા છે. તેના દરેક સરફેસમાં 100 કેરેટના 500 ગ્રેન ડાયમન્ડ જડેલા છે. 32 જીબીવાળા આ મોબાઇલને હજુ સુધી જૂજ લોકો જ ખરીદી શક્યા છે.

આઇફોન 4 ના નેવીગેશન બટનમાં 7.4 કેરેટનો ડાયમન્ડ રોસ લગાડેલો છે. જો કે તેને સરળતાથી કાઢીને કોઇ રિંગ કે જ્વેલરીમાં લગાવી શકાય છે. ડાયમન્ડ રોસ ફોનના પાછળના ભાગને રોસ ગોલ્ડમાંથી તૈયાર કરાયો છે. તેના લોગોમાં પણ 53 ડાયમન્ડ લગાડેલા છે.