પહેલી વખત બાળકો માટે લોન્ચ થયો મોબાઇલ ફોન

- ચાઇલ્ડ ફોનમાં ઇનબિલ્ટ જીપીએસ છે, જેની મદદથી બાળકોના લોકેશનની સરળતાથી ભાળ મેળવી શકાશે
- આ મોબાઇલમાં સ્ક્રીન નથી
- આ મોબાઇલના પહેલાં ચાર બટન પર કોઇપણ ચાર નંબરોને અસાઇન કરી શકાય છે
- આ મોબાઇલની વચ્ચમાં એક એસઓએસ બટન લગાવેલું છે, જેનાથી એસએમએસ અસાઇન કરી શકાશે
તમે યુવાન, વૃદ્ધ કે મહિલા, પુરુષ માટે ખાસ મોબાઇલ તો જોયા હશે પરંતુ હવે પહેલી વખત બાળકોની જરૂરિયાતોને ધ્યાનમાં રાખતા એક મોબાઇલ લોન્ચ કરવામાં આવ્યો છે. આ મોબાઇલને ચાઇલ્ડ ફોન નામ આપવામાં આવ્યું છે. આ મોબાઇલમાં ઇનબિલ્ટ જીપીએસ છે, જેની મદદથી બાળકોના લોકેશનની સરળતાથી ભાળ મેળવી શકાય છે.

આ મોબાઇલ ખૂબ જ સાધારણ રીતે બનાવામાં આવ્યો છે, તેમાં સ્ક્રીન નથી. આ મોબાઇલના પહેલાં ચાર બટન પર કોઇપણ ચાર નંબરોને અસાઇન કરી શકાય છે. જેનાથી ઇમરજન્સીમાં બાળકો પોતાના નજીકના લોકો સાથે વાત કરી શકે. આ મોબાઇલની વચ્ચમાં એક એસઓએસ બટન લગાવેલું છે. જેને દબાવતા જ એક એસએમએસ ચાર અસાઇન કરવામાં આવેલા નંબરો પર જતો રહેશે. જો બાળક ખોવાઇ જાય છે તો મોબાઇલમાં લાગેલી જીપીએસની સિસ્ટમની મદદથી બાળકને શોધી શકાય છે. ગ્રાહકોને કંપનીની વેબલાઇટ પર પોતાની લોગઇન ડિટેલ્સ વેબસાઇટ પર નાંખવી પડશે અને જો જીપીઆરએસ કામ કરી રહ્યું નથી તો ફોનમાં જીએસએમ ટેકનિકની મદદથી પણ બાળકો શોધી શકાય છે. આ મોબાઇલની બજારમાં કિંમત 4990 રૂપિયા છે.