નવસારીમાં દારૂનો વેપલો બંધ થયો ન હોવાનું પુન: પુરવાર થયું છે. નવસારી ટાઉન પોલીસે તરોટા બજારમાં રહેતા એક શખ્સને ત્યાંથી R ૯૮,૩૫૦નો ઈંગ્લીશ દારૂનો જથ્થો ઝડપી પાડ્યો હતો. શહેરમાં દારૂનો મોટો જથ્થો પકડાતા ચકચાર મચી ગઈ છે.
મળતી માહિતી મુજબ નવસારી ટાઉન પોલીસે તરોટા બજારમાં મોટા ફિળયામાં રહેતા બૂટલેગર જીવન ઉર્ફે જીવો નથુમલ મલીરામાણીને ત્યાં રેડ કરતા તેના ઘરમાંથી ઈંગ્લીશ દારૂનો જથ્થો મળી આવ્યો હતો. બાતમીને આધારે રેડ કરતા પોલીસને ઈંગ્લીશ દારૂનો મોટાપાયે જથ્થો ઝડપી પાડવામાં સફળતા મળી છે. R ૯૮,૩૫૦નો ઈંગ્લીશ દારૂની ૧૮૪ જેટલી બોટલો પોલીસને મળી આવતા પોલીસે તમામ દારૂનો કબજો ઝબ્બે કર્યો હતો. આ ઉપરાંત R ૧૦૦૦નો મોબાઈલ, R ૨૦૦૦૦ની બાઈક (નં. જીજે-૨૧-એબી-૧૮૯૦) સાથે જીવો ઝડપાય જતા પોલીસે તેની ધરપકડ કરી હતી.
ઉપરાંત તેને દારૂનો જથ્થો પૂરો પાડનાર આટ ગામનો બૂટલેગર દપિકને પોલીસે વોન્ટેડ જાહેર કરી પીએસઆઈ વી.કે. ગઢવીની ફરિયાદને આધારે વધુ તપાસ હાથ ધરી છે.
