હજીરા IOCની આગમાં ૪નાં મોત, જુઠ્ઠાણું પડ્યું ઉઘાડું

 

 

 

હજીરા પટ્ટી પરના કવાસ ગામ ખાતે આવેલા ઇન્ડિયન ઓઇલ કોર્પોરેશનની સ્ટોરેજ ટાંકીઓમાં શનિવારે લાગેલી ભયાનક આગમાં અધિકારીઓની ગુનાહિ‌ત બેદરાકારીના કારણે ૩ કામદારોના મોત નીપજ્યાં છે તથા એક શ્રમિક હજુ લાપત્તા છે. આ ચાર જણા ઉપરાંત ૨થી ૩ શ્રમિકો હજુ પણ લાપતા હોવાની આશંકા છે. જોકે, શનિવારે કંપનીના અધિકારીઓએ સત્તાવાર મુલાકાતમાં એક પણ ઇજાગ્રસ્ત કે મોત ન હોવાનું જુઠ્ઠાણું ચલાવ્યું હતું, જે રવિવારે પણ જોરી રાખી મૃતક આંક છૂપાવવાની કોશિશ કરી હતી. સરકારી સત્તાધીશોએ ૪ના મોતનો સત્તાવાર આંક જાહેર કર્યા બાદ પણ કંપની સત્તાવાર આંક બે જ હોવાનો દાવો કરતી હતી.