લોયલા યુનિવર્સિટી હેલ્થ સિસ્ટમના મેડિકલ ડાયરેક્ટર જોર્ગે પરાદાએ જણાવ્યા પ્રમાણે ફેબ્રુઆરી મહિનામાં શરદી, ખાંસી, ફ્લૂ સહિત અન્ય કેટલીય સંક્રમક બીમારીઓ વધારે ફેલાય છે. આ બીમારીઓ એક માણસ પાસેથી બીજા માણસ સુધી ફેલાય છે, આથી વેલેન્ટાઇન ડેના અવસર પર કિસ કરવાથી દૂર જ રહેવું યોગ્ય ગણાશે.
તેમણે જણાવ્યું હતું કે હવામાનના ફેરફારને આ બીમારીનું કારણ ગણવામાં આવે છે. બને છે એવું કે હવામાનમાં ફેરફારના કારણે શરીરમાં સ્ટ્રેસનું પ્રમાણ ઘટે છે, જેના કારણે અંદરનું સુરક્ષાતંત્ર નબળુ થતું જાય છે. આના કારણે એકથી બીજા સુધી આ બીમારીઓ જલ્દી ફેલાય છે.
ડોક્ટર જોગેનું કહેવું છે કે વેલેન્ટાઇન ડે પર લોકો એકબીજાને કિસ કરે છે એટલે આ નજીકના સંપર્કથી આવી સંક્રામક બીમારીઓ ફેલાવાનું જોખમ રહે છે. આથી આ વેલેન્ટાઇન ડે પર તમે પણ બચીને રહેજો!
વાચકમિત્રોએ આ વાતની નોંધ લેવી કે તમારી કોઈ પણ વાંધાજનક કે અશ્લીલ ટિપ્પણી માટે તમો પોતે જવાબદાર છો અને અપશબ્દો લખવા એ સજાને પાત્ર કૃત્ય છે
