પાલિકાના ૪૦૦ કર્મચારીનો કાફલો દોડના રસ્તાને કોર્ડન કરશે : દોડના બંને રસ્તાને કોર્ડન કરી લેવાશે, આ દોડમાં ભાગ લેનારાં સ્પધર્કોઅંદર- બહાર નહીં જાય તે માટે પ્રત્યેક ૫૦ મીટરના અંતરે દોડના સમગ્ર માર્ગ પર ત્રણના જૂથમાં પાલિકાના તમામ સ્તરના ૪૦૦ અધિકારીઓ, કર્મચારીઓ હાજર રહેશે. ઊભા કરાયેલાં ૬૦ સ્ટોલો પરથી સત્તાવાર એન્ટ્રી કરાવનારાં ૧૦, ૨૦૦ સ્પર્ધકોને ટી શર્ટ આપવામાં આવશે.
તાત્કાલિક સારવાર માટે તબીબી ટીમો સ્ટેન્ડ ટુ રહેશે : આ દોડમાં વિશાળ સંખ્યામાં સ્પર્ધકો ઉપરાંત મહિલાઓ, સિનિયર સિટિઝન્સ હાજર રહેવાના હોવાથી તેમના આરોગ્યની સલામતિ માટે તબીબી ટીમો સાથેનો તાકીદની સારવારનો કાફલો સ્ટેન્ડ ટુ કરાયો છે.
૬થી ૧૦ સુધી ચાર કલાક માટે આ રસ્તા બંધ રહેશે
એસવીએનઆઇટીથી આગળ નહીં જવાય, વૈકિલ્પક વ્યવસ્થા
સ્વર્ણિમ ગુજરાત અંતર્ગત તા. ૩૧-૧-‘૧૦ના રોજ સવારે સવારે છ વાગ્યાથી દસ વાગ્યા સુધી સિટી રનનું આયોજન મહાનગરપાલિકા દ્વારા કરવામાં આવ્યું છે. આ સમયગાળા દરમિયાન એસવીએનઆઇટી સર્કલથી એસ.કે. નગર સર્કલ સુધીનો રસ્તો વાહનવ્યવહાર માટે બંધ રહેશે તેવું જાહેરનામું પોલીસ કમિશનરે પ્રગટ કર્યું છે.
પોલીસ કમિશનરે જારી કરેલા જાહેરનામા મુજબ તા. ૩૧મીએ સવારે છ વાગ્યાથી દસ વાગ્યા સુધી એસવીએનઆઇટી સર્કલથી એસ.કે.નગર સર્કલ સુધીનો રસ્તો સુરત-ડુમસ આવતો જતો બન્ને બાજુનો મેઇન રોડ તમામ પ્રકારનાં વાહનો માટે પ્રતિબંધિત રહેશે.
વૈકલ્પિક વ્યવસ્થા જાહેર કરવામાં આવી છે તે મુજબ સુરતથી ડુમસ તરફ જતાં વાહનો જાની ફરસાણથી સિટી લાઇટ રોડ, અલથાણ ગામ, ખજોદ ચોકડીથી એસ.કે.નગર સર્કલ થઈ ડુમસ જશે. તો ડુમસથી સુરત તરફ આવનારાં તમામ વાહનો એસ.કે. નગર સર્કલથી ખજોદ ચોકડી થઈ મગદલ્લા બ્રિજ, ઓએનજીસી ચાર રસ્તા થઈને સુરત પહોંચશે.
સિટી રન માટે પાર્કિંગ વ્યવસ્થા
એસ.વી.એન.આઇ.ટી. કેમ્પસ
૧૫થી ૩૫ વર્ષ તથા ૩૬થી ૬૦ વર્ષની ઉંમરના પુરુષ સ્પર્ધક માટે
(૧) ઉધના-મગદલ્લા રોડ તરફથી આવતાં તમામ વાહનો માટે યુનિવર્સિટીની સામે આવેલા એસવીએનઆઇટી કોલેજના ગેટમાં થઈ કેમ્પસમાં આવેલા પાર્કિંગ પ્લોટ નં-૧.
(૨) સરગમ શોપિંગ સેન્ટર તરફથી આવતાં તમામ વાહનો માટે એસવીએનઆઇટીની સામે ઉમરા ગામ જવા રસ્તા ઉપર હોટલ વૂડલેન્ડ પાસેના પાર્કિંગ પ્લોટ નં.-૨ તથા પ્લોટ નં.-૩.
કારગિલ ચોક
સિનિયર સિટિઝન, સ્ત્રી સ્પર્ધક તથા ૭થી ૧૪ વર્ષના બાળસ્પર્ધક માટે
(૧) એસવીએનઆઇટી કોલેજથી ઉમરા ગામ તથા વચ્ચે આવતા રોડ પર થઈ શારદાયતન સ્કૂલના કમ્પાઉન્ડમાં પાર્કિંગ પ્લોટ નં.-૫.
(૨) ઉધના-મગદલ્લા રોડ પરથી આવતાં વાહનો માટે લેકવ્યૂ ગાર્ડનની પાછળના ભાગમાં આવેલા પાર્કિંગ પ્લોટ નં-૪.
એસવીએનઆઇટીના મુખ્ય દરવાજેથી કોઈપણ વાહનને પ્રવેશ મળશે નહીં.
