Tuesday, Feb 9th, 2010, 2:52 am [IST]
પ્લાસ્ટિકમાંથી બનશે બેટરી
Agency, London
બ્રિટિશ વિજ્ઞાનીઓએ એક એવી ટેકનિક શોધી છે, જેના પરિણામે આવનારા સમયમાં આધુનિક બેટરીઓ બેકાર થઈ જશે. આ વિજ્ઞાનીઓએ એક પ્લાસ્ટિકમાં વીજળી સ્ટોર કરવાની ટેકનિક શોધી છે.
આ ટેકનિકનો મોબાઈલ અને આઈપોડમાં ઉપયોગ કરાતાં તે અત્યારની સરખામણીએ બમણી ઊર્જા પ્રદાન કરશે. વિજ્ઞાનીઓએ જણાવ્યું કે તેના માટે મોબાઈલ કે આઈપેડને પ્લાસ્ટિકથી બનેલા એક ખાસ પ્રકારના કવરમાં મૂકવું પડશે, જે આ ઉપકરણોને સતત ચાર્જ કરતું રહેશે.
આ ટેકનિક બજારમાં આવ્યા બાદ મોબાઈલ ફોન ક્રેડિટ કાર્ડ જેટલા પાતળા અને હલકા થઈ જશે.આ ટેકનિકથી એવા કમ્પ્યૂટર સ્ક્રીન પણ બનાવી શકાશે, જેને ફોલ્ડ કરીને તમે ખિસ્સામાં મૂકી શકશો.
