IIM-A સ્લોટ-૧માં ફાઇનાન્સ ક્ષેત્રનો દબદબો
આઇઆઇએમ અમદાવાદમાં સમર પ્લેસમેન્ટમાં બુધવારે સ્લોટ-૧નો પ્રારંભ થયો હતો. બે દિવસ સ્લોટ-૦ ચાલ્યા બાદ સ્લોટ-૧માં ફાઇનાન્સ ક્ષેત્રનો દબદબો જોવા મળ્યો હતો. માર્કેટિંગમાં પણ ઘણા વિદ્યાર્થીઓએ ઓફરો સ્વીકારી હોવાનું સૂત્રોએ ઉમેર્યુ હતું. સ્લોટ-૧ના પ્રથમ દિવસે ૩૫ કરતાં વધુ વિદ્યાર્થીઓએ વિવિધ કંપનીઓની ઓફરો સ્વીકારી હોવાનું જાણવા મળે છે.
આઇઆઇએમ અમદાવાદમાં બીજી નવેમ્બરથી સમર પ્લેસમેન્ટનો પ્રારંભ થયો હતો. પ્લેસમેન્ટમાં પ્રથમ દિવસથી જ મંદી દૂર થઇ હોવાના અણસાર દેખાયા હતા. સમર પ્લેસમેન્ટમાં ૧૧૦ જેટલી કંપનીઓના આગમન બાદ પ્રથમ દિવસથી જ ઘણા બધા વિદ્યાર્થીઓને માર્કેટિંગ કંપનીઓએ ઓફરો કરી હતી જેનો વિદ્યાર્થીઓએ હર્ષભેર સ્વીકાર પણ કર્યો હતો. બે દિવસના અંતે આઇઆઇએમ અમદાવાદમાં સ્લોટ-૦ની પૂણાર્હુતિ થઇ છે.
હવે બે દિવસ સુધી સ્લોટ-૧ દરમિયાન વિવિધ કંપનીઓ વિદ્યાર્થીઓને ઓફરો કરી તેમની કંપનીમાં ઇન્ટર્નશિપ માટે ઓફર કરશે.
કન્ફલુઅન્સ-’૦૯નો ૨૭ નવે.થી પ્રારંભ
આઇઆઇએમ અમદાવાદમાં કન્ફલુઅન્સ-’૦૯નો ૨૭ નવેમ્બરથી પ્રારંભ થશે. ત્રણ દિવસની આ ઇવેન્ટની થીમ સર્વાઇવલ, સસ્ટેન અને સકસેસ છે. આ ઇવેન્ટમાં એશિયા ડેવલપમેન્ટ બેંકના ડાયરેકટર રજત નાગ, સેબીના ચેરમેન સી.બી. ભાવે, આરબીઆઇના ડે. ગવર્નર શ્યામલા ગોપીનાથ સહિતના બિઝનેસના માંધાતાઓ ઉપસ્થિત રહી વિદ્યાર્થીઓને મેનેજમેન્ટના પાઠ ભણાવશે.
Post your Feedback on Article
Name:
Email ID:
Comments:
Code:
