પોરબંદર નગરપાલિકાનાં પ્રમુખ સુનિલભાઇ ગોહેલે પાલિકા હસ્તકનાં સ્કૂલ સહિતનાં બિલ્ડીંગો અને ફૂવારાઓનાં રીપેરીંગનાં રંગરોગાનનાં ૮૦ ટકા બિલો એકિઝકયુટી કમિટીની મંજૂરી વગર ચૂકવી આપ્યા છે તેવું જણાવી ભાજપનાં જ સુધરાઇ સભ્ય ડોલરભાઇ ચોટાઇ અને કોંગ્રેસનાં સુધરાઇ સભ્ય વિરેન્દ્રભાઇ શિયાળે હાથ મિલાવીને પાલિકાનાં પ્રમુખ સામે સુધરાઇનાં કાયદાની કલમ ૩૭ મુજબનો ભંગ થતો હોય તો તેને સતા પરથી કેમ દૂર ન કરવ? તે અંગે નગર નિયામકમાં રજૂઆત કર્યા બાદ કોઇ નિર્ણય નહીં આવતા બંને સુધરાઇ સભ્યોએ હાઇકોર્ટમાં દાવો દાખલ કર્યો હતો.

હાઇકોર્ટે આ પ્રકરણમાં નગર નિયામકને ૧૦મી ઓકટોબર સુધીમાં રીપોર્ટ કરવા આદેશ કર્યો હતો જેમાં નગર નિયામકે હાઇકોર્ટમાં સુધરાઇ સભ્યએ પ્રમુખ સામે કરેલી ફરિયાદ અરજી ચલાવવા યોગ્ય નથી. એવો રિપોર્ટ આપ્યો હતો.