સફેદ વાઘ રૂ. ૩ લાખ ૧૫ હજાર, ચટ્ટાપટ્ટાવાળો વાઘ રૂ. ૩ લાખ ૫ હજાર, સિંહ રૂ. ૨ લાખ ૫ હજાર, દીપડા રૂ. ૧ લાખ ૧૫ હજાર, જળ બિલાડી રૂ. ૩૬ હજાર, ચિતળ રૂ. ૨૦ હજાર, નીલ ગાય રૂ. ૩૦ હજાર એ રીતે કોઈ એક પ્રાણીને આખા વર્ષ માટે દત્તક લેવાના દર જંગલ ખાતાએ નક્કી કર્યા છે.

જંગલ ખાતાની સૂચિત વન્યજીવ દત્તક યોજનામાં આવરી લેવાયેલા આ પ્રાણીઓ છે. સૂચવાયેલા દર એ પ્રાણીના આખા વર્ષના આહારનું મૂલ્ય છે. આવી યોજના બોરીવલીના સંજય ગાંધી રાષ્ટ્રીય ઉદ્યાન માટે ઘડાઈ છે.સફારીમાં ફરતા વાઘ, રેસ્કયૂ સેન્ટરના સિંહ સહિતના પ્રાણીઓને એક વર્ષ માટે દત્તક આપવાની યોજના મુખ્ય વન સંરક્ષક સુરેશ થોરાતે રજૂ કરી છે.