સાત મહર્ષિઓની તપોભૂમિ : સપ્તેશ્વર મહાદેવ
સાબરકાંઠાના ઇડર નજીક ડેભોલ અને સાબરમતી નદીના સંગમે સર્જતા આ સ્થળનાં દર્શને દરરોજ હજારો યાત્રાળુઓ આવે છે.પવિત્ર પાણીની ગંગાધાર કુદરતી રીતે જ સ્થળનું પ્રક્ષાલન કરી રહી છે.
સપ્તેશ્વર મહાદેવના નામ પરથી ખ્યાલ આવી જાય છે કે આ શિવજીનું સ્થળ છે. શ્રાવણ માસમાં અને અમાસેએ મેળા જેવું વાતાવરણ સર્જાય છે. કહેવાય છે કે સાત ઋષિઓએ અહીં તપશ્ચર્યા કરી હતી. કેટલાંય વરસોથી લોકો સપ્તર્ષિ શિવલિંગના દર્શનાર્થે આવી પૂજાવિધિ કરે છે.
ગુજરાત સરકારના સેટલમેન્ટ કમિશનર કૃષ્ણચંદ્ર સગરે આ સ્થળની મુલાકાત લીધેલી. તેમણે અભ્યાસ કરી જણાવેલ કે આ સ્થળ ત્રેતાયુગ સાથે અને ભારતીય ખગોળવિધા સાથે સંકળાયેલું છે.
સાત ઋષિઓ એટલે ધર્મગ્રંથો મુજબ કશ્યપ, વશિષ્ઠ, વિશ્વામિત્ર, ભારદ્વાજ, અત્રિ, જમદગ્નિ અને ગૌતમ. આ સાતે ઋષિઓ એકસાથે હાજર રહ્યા હોય તો એ બાબત અત્યંત મહત્ત્વની લેખાય. મહાદેવમાં સાતેય શિવલિંગ જુદાં જુદાં એવી રીતે ગોઠવાયેલાં છે કે જાણે આકાશમાં સપ્તર્ષિઓ જ જોઇ લો. એ પણ શકય છે કે જે યુગમાં આ ઋષિઓ અહીં પૂજા કરતા હતા તે યુગમાં સપ્તર્ષિ તારાની સ્થિતિમાં જ શિવલિંગની પ્રતિષ્ઠા કરવામાં આવી હોય.
કૃષ્ણચંદ્ર સગરના મતાનુસાર આ સપ્તર્ષિઓનો સમય ઇ.સ. પૂર્વે પંદરમી સદીનો હતો. એટલે કે આજથી લગભગ ૩૪૦૦ વર્ષ પૂર્વે આ સપ્તર્ષિઓએ ભેગા મળી તપશ્ચર્યા કરી હોવી જોઇએ. બે નદીઓનાં સંગમ અને સાત મહર્ષિઓના તપની સાક્ષી પૂરતા આ મંદિરનાં દર્શન કરી ધન્ય બની ગયો.
Post your Feedback on Article
Name:
Email ID:
Comments:
Code:
- કલ્યાણક ભૂમિ હસ્તિનાપુર
- સાત મહર્ષિઓની તપોભૂમિ : સપ્તેશ્વર મહાદેવ
- મા ચામુંડાની તીર્થભૂમિ સુંધામાતાજી
- ખ્વાજા ગરીબ નવાઝ અજમેર
- ઉપાસની કન્યાકુમારી સાકોરી
- સ્વયંભૂ જડેશ્વર મહાદેવ
- બહુરત્ના ગુજરાત
- પહેલી પેઢીનું ડાયસ્પોરા
- નેતા-અભિનેતાના ‘આંગળી પર તિલક’
- કનખલનું દક્ષેશ્વર મહાદેવ
- ધોળાવીરા: નગરરચનાની પાઠશાળા
- ગઢના કાંગરા ખરી પડયા છે
- સ્વયંભૂ શ્રી ઝંડ હનુમાનદાદા
- શંખોદ્વાર બેટદ્વારકા
- જગદંબા દેવી જક્ષણી
- ખાઓ, પીઓ, ઘૂમો, જીવો અને મુસાફરી
- સમર વેકેશનમાં રેલવે ૩૫૦થી વધુ ટ્રેનો દોડાવશે
- મુસાફરોને મુશ્કેલી ને મળતિયાઓને મલાઈ